KGORO YA MAPHELO
BOPHELO BJA GAGO BO KA
DIATLENG TŠA GAGO
NA KANKERE YA LEŠETE KE ENG?
Ke kankere ya moswananoši mo banneng, E hlolega bogolong bofe le bofe eupša e atile mo go banna ba bafsa ba nywaga ye 20 go ya go ye 40. Gantši ke lešete le tee leo le amegago. Sehlodi sa kankere ya lešete ga se tsebje. E swara banna mola ba le nakong ye ba tshwenyegago ka go šoma ga ditho tša bonna mme ba thoma go aga lapa.
Kankere ya lešete e hlola 0.75% go fihla go 1.46% ya dikankere ka moka banneng tše di begilwego ka go Bongwadišetšo bja Kankere gareng ga 1996 le 1997.
KE DIHLOPHA DIFE TŠE DI LEGO KOTSING?
Banna bao ba nago le histori ya mašete ao a sego a fologela ka go sekuka ( lokišitšwe goba a sa lokišwa). Kotsi e oketšega go fihla go makga a 11. Bana ka moka ba bašemane ba swanetše go hlahlobja ge ba se no belegwa mabapi le mašete ao a sego a fologa.
Banna ka moka bao ba nago le bothata bja go longwa ke mmutla.
TEMOGO YA KA PEJANA
Ke mong ka noši yo a lemogago go se itekanele ga lešete. Tsela ye kaone ya go hwetša ditlhokatekano ke ka go hlahloba lešete ka noši.
TSE e phethagatšwa gabotse morago ga go hlapa ka meetse a borutho, pate ye borutho goba šawara. Phišo e hlephiša sephuthašete/sekuka, gomme ya dira gore go be bonolo go lemoga magole.
Ge o na le mengwaga ye 18 goba go feta, latela dikgato tšekhwi kgwedi ka kgwedi:
Seipone se ka thuša kudu
Hlahloba lešete ka le tee ka le tee ka diatla. Bea monwana wa tšhupabaloi le wa gare ka fase ga lešete mola mogogorupo o le ka godimo ga lona. Kgokološa lešete gabosele gare ga mogogorupo le menwana. O se ke wa makala ge lešete le lengwe le bonala nke ke le legolwane go feta le lengwe. Se se lokile. Dikunkana tša kankere gantši di hwetšwa ka mahlakoreng a lešete, fela di ka no hwetšwa le bogareng goba ka pele ga lešete.
Hwetša sebopego se o ka rego tšhupu ka morago ga mašete. Sekhwi se bitšwa epididymus, yeo e kgoboketšago le go rwala matšhedi/peu. Itlwaetše sebopego sekhwi. O se ke wa se tšea gore ke nkunka ka phošo.
Lebelela tše di latelago:
Nkunkana ye nnyane (bogolo bja erekisi) ye e sego bohloko ka go lešete. Ga se dikunka ka moka tše di nago le kankere
Maikutlo a boima ka lešeteng goba lengamu.
Matswele a a kokomogilego le ditlhoko
Seelana seo se kokotlelago ka bjako ka gare ga sephuthašete
DIKGATO
Ge o na le bohloko bjo bošoro lešeteng – gona hwetša thušo ya tšhoganetšo.
Ge go na le maikutlo a boima goba bohloko – bonana le ngaka
Ge go na le kokomogo ya matswele le ditlhoko le/goba phopholego ya pudula ka go sephuthašete – bonana le ngaka.
Ge go se na le magole a a hwetšwago – tšwela pele ka TSE go fihla bogolong bja nywaga ye 40/45.
ELELWA:
Kankere ya lešete e tloga e fodišega e le ruri, kudu ge e lemogilwe le go alafša ka pela
Go tloša lešete le tee ga go ame bonna goba mohola wa thobalano gampe.
